Yes Seatel បង្ហាញមុខសិល្បករ- ការិនីល្បីៗទាំង៦រូប ជា yes YouTube Star ឆ្នាំ២០១៨

(រាជធានីភ្នំពេញ ) ថ្ងៃទី ១៧ ខែ កញ្ញា ឆ្នាំ ២០១៨ ក្រុមហ៊ុន yes seatel ដែលផ្តល់សេវាកម្មឌីជីថលដំបូងនិងតែមួយគត់នៅកម្ពុជា បានប្រកាសបើកសម្ភោធកម្មវិធីថ្មីរបស់ខ្លួន ឈ្មោះថា « yes YouTube Star» នៅផ្សារទំនើបអ៊ីអន សែនសុខ ដែលកម្មវិធីនេះជាកិច្ចសហការដៃគូជាមួយនឹង YouTube ដើម្បីស្វែងរកអ្នកបង្កើតឃ្លីបវីដេអូប្លែកៗនៅកម្ពុជា ព្រ​មទាំងវិធីសាស្ត្រ ក្នុងរកចំណូលតាម YouTube ។

 លោក Yab Kok Leong នាយកប្រតិបត្តិរបស់ yes seatel បានមានប្រសាសន៍ថា៖ « YouTube គឺជាចំនុចចាប់ផ្តើមនៃភាពជោគជ័យរបស់មនុស្សជាច្រើន។ តារាល្បី Justin Bieber ដែលមានកិត្តិនាមសុះសាយពេញពិភពលោកនោះក៏ធ្លាប់ជាតារា YouTube​ ម្នាក់ដែរ ដែលលោកបានបង្ហោះវីដេអូរបស់ខ្លួនច្រៀងជាមួយនឹងហ្គីតា។ នេះហើយជាមូលហេតុដែល yes បង្កើតកម្មវិធី yes YouTube Star មួយនេះ។

នាយកប្រតិបត្តិដដែលបន្តថា គោលបំណងចំបងធំនៃការរៀបចំកម្មវិធីនេះឡើង គឺដើម្បីស្វែងរកនូវអ្នកមានជំនាញប៉ិនប្រសព្វ ខាងបង្កើតឃ្លីបវីដេអូ ប្រកបដោយគំនិតច្នៃប្រឌិតនៅកម្ពុជា ហើយពួកគេគ្រាន់តែមានទូរស័ព្ទស្មាតហ្វូនមួយ រួមជាមួយនឹងប្រព័ន្ធអ៊ីនធឺណិតដែលដើរបានល្អប្រសើរនោះ ដើម្បីបើក}កាសអោយពួគេបានបញ្ចេញសមត្ថភាពដែលពួកគេមាននៅក្នុងកម្មវិធីដ៍អស្ចារ្យនេះ។

កម្មវិធី yes YouTube Star បានបើកការចុះឈ្មោះ ចាប់ពីពេលនេះរហូតដល់ថ្ងៃទី ៣ ខែតុលា ឆ្នាំ ២០១៨។ អ្នកដែលមានអាយុ ៧ ឆ្នាំឡើងទៅ ដែលអាចរាំ ច្រៀង ឬ សំដែងត្លុកកំប្លែង អាចចូលរួមបានឲ្យតែជាអ្នកស្នាក់នៅអចិន្ត្រៃយ៍នៅប្រទេសកម្ពុជា។ អ្នកឈ្នះម្នាក់នឹងត្រូវបានជ្រើសរើស ដោយការបោះឆ្នោតតាមការផ្ញើសារ SMS ហើយអ្នកឈ្នះនឹងទទួលបានលុយសុទ្ធចំនួន ​៥០,០០០ ដុល្លារសហរដ្ឋអាមេរិក​ បើសិនជាការប្រកួតកម្មវិធី ពីដើមដល់ចប់ទទួលបានសារបោះឆ្នោតចំនួន ៥ លាន​សារ។

 យ៉ាងណាមិញ ដើម្បីចុះឈ្មោះចូលរួម អ្នកទាំងអស់គ្រាន់តែថតវីដេអូផ្ទាល់ខ្លួន (ច្រៀង រាំ ឬធ្វើកំប្លែង) ហើយទៅកាន់ទំព័រ Facebook “yes kh” ហើយជ្រើសរើស “sign up” បន្ទាប់មក​បំពេញព័ត៌មានរបស់ខ្លួនហើយភ្ជាប់ជាមួយនឹងវីដេអូដែលខ្លួនបានធ្វើជាការស្រេច។ អ្វីដែលអ្នកគួរធ្វើបន្ទាប់ពីការចុះឈ្មោះនោះ គឺការជ្រើរើស Buddies របស់ yes YouTube Starដូចជា: កញ្ញាទេព បូព្រឹក្ស, មាន សូនីតា, យូ កាមុំរាត់, សាឡាត ស្រីឡាង លោក យន សុភ: វី និង លោកយ៉ារូ ដើម្បីធ្វើជាដៃគូប្រកួតប្រជែងជាមួយក្រុមទាំង០៦ ហើយពួកគាត់តែម្នាក់ប៉ុណ្ណោះដែលអាចនាំអ្នកក្លាយជា yes YouTube Starប្រចាំឆ្នាំ២០១៨ ជាមួយម្ចាស់ជ័យលាទីទទួលបានទឹកប្រាក់រហូតទៅដល់៥ម៉ឺនដុល្លាសហរដ្ឋអាមេរិក ៕

អត្ថបទ៖ ទិត្យ ឡាឡា