ស្ងាត់ៗៗ!! កវីនិពន្ធម្ចាស់បទ”អ្នកណាកែប្រែចិត្តបង”លោកសូរ រៈបូរី ក្លាយជាអ្នកគ្រប់គ្រងទូទៅប្រចាំផលិតកម្ម Zone

ភ្នំពេញ៖ ប្រិយមិត្តដែលចូលចិត្តស្ដាប់ចម្រៀងស្នេហាបែបរ៉ូម៉ែនទិច និង កម្សត់ព្រាត់ប្រាស់ ប្រហែលជា ធ្លាប់បានស្គាល់ក៏ដូចជាធ្លាប់បានដឹងឮខ្លះហើយដែរ ពីកវីសម្បុរស្រអែមលោក(សូរ រៈបុរី) ដែលជាកវីនិពន្ធបទចម្រៀង មនោសញ្ចេតនាប្រចាំផលិតកម្ម Zone Production និងជា អ្នកនិពន្ធបទដែលកំពុងផ្ទុះខ្លាំងកាលពីឆ្នាំ២០១៨កន្លងទៅថ្មីនេះ គឺបទ ”អ្នកណាកែប្រែចិត្តបង” ដែលបកស្រាយដោយតារាចម្រៀងសាច់សខ្ចីកញ្ញាសោភា ទេពី។

(អ្នកនិពន្ធលោក៖ សូរ រៈ បុរី)

ដោយឡែក កាលពីពេលថ្មីៗនេះដែរ លេចលឺដំណឹងថាតារានិពន្ធវ័យក្មេងរូបនេះបានក្លាយជា អ្នកគ្រប់គ្រង និងមានមុខងារជាអ្នកចាត់ការទូទៅ នៅក្នុងផលិតកម្ម ZONE បន្ទាប់ពីលោក (អ៊ុច រ៉ាវុឌ្ឍ) ដែលជានាយកនៃផលិតកម្ម Zone ទន្ទឹមនិងទេព្យកោសល្យពីកំណើត និង ដោយសារ តែភាពស្មោះត្រង់និងការតស៊ូនិងងកាងារ បានធ្វើឱ្យលោកសូរ រៈបុរី បានឈានជើងចូលក្នុងរង្វង់ សិល្បៈផ្នែកនិពន្ធ ទៅតាមក្ដីស្រមៃយ៉ាងជោគជ័យ។

ទម្រាំទទួលបានភាពជោគជ័យដួចបច្ចុប្បន្ននេះ កវីនិពន្ធដែលមាន ស្រុកកំនើត ខេត្តកណ្ដាល រូបនេះ បានប្រាប់បណ្ដាញពត៍មាន TKN Media ថាសម្រាប់រូបលោក ផ្ទាល់ លោកបានធ្វើវា ជាច្រើនឆ្នាំណាស់ដែរ តែក្ដីស្រម៉ៃមួយនេះហាក់នៅសែនឆ្ងាយ និងពោរពេញ ទៅដោយភាព ស្មុកស្មាញយ៉ាងខ្លាំង ។ តែដោយក្ដីស្រលាញ់តាំងពីតូច ធ្វើអោយលោកសូរ រ:បុរី ពុះពាដោយ ពុំខ្លាចនឿយហត់តស៊ូមិនរាថយ រហូតទទួលបានទំនុកចិត្តពីលោក អ៊ុច រ៉ាវុឌ្ឍក៍សម្រេចប្រគល់ តួនាទីជាអ្នកគ្រប់គ្រងជូនលោកសូរ រៈបុរីគ្រប់គ្រងជំនួសវិញ។

(លោកនាយកផលិតកម្ម Zone អ៊ុច រ៉ាវុឌ្ឍ)

ពាក់ព័ន្ធទៅនិងការផ្លាស់ប្ដូរតួនាទីនិងតំនែងគ្រប់គ្រងមើលការខុសត្រូវបានលោកអ៊ុច រ៉ាវុឌ្ឍ ដែលជានាយកផលិតកម្ម Zone បានលើកឡើងថា ហេតុផលដែលលោក តម្រូវអោយអ្នកនិពន្ធ (សូរៈ បុរី) មកកាន់កាងារជំនួសរូបលោកផ្ទាល់ ត្បិតរូបលោកយល់ឃើញថាអ្នកនិពន្ធវ័យក្មេង រូបនេះ មាននូវទេព្យកោសល្យខ្ពស់ក្នុងការតែង និពន្ធបទចម្រៀង មានភាពអត់ធន់ ស្មោះត្រង់ គោរពពេលវេលា ហើយចេះជួយកាងារមិត្តរួម ក្រុមដោយមិនប្រកាន់វណ្ណៈ។

សូមបញ្ចាក់ផងដែរថា កវីនិពន្ធដែលកំពុងស្រូបទាញមជ្ឈដ្ឋានសិល្បៈ និង មហាជនទូទៅ សូ ររៈបុរី មានស្រុកកំណើតនៅភូមិវត្តថ្មី ឃុំព្រែកដំបង ស្រុកមុខកំពូល ខេត្តកណ្តាល ដែលមាន បងប្អូនបួននាក់(ប្រុស០២ ស្រី០២នាក់) រូបលោកផ្ទាល់ជាកូនទី០៣។ លោកសូរ រ:បុរី បានចូលប្រលូកសិល្បៈនិពន្ធចម្រៀងសម័យនៅក្នុងឆ្នាំ២០១១ ហើយមកទល់និងពេលនេះ លោកបាននិពន្ធបទអោយផលិតកម្ម Zone production មានបទ៖ ( អ្នកណាកែចិត្តបង ដោយ សោភាទេពី) ( គ្មានអ្នកណាកែចិត្តបងទេ ដោយ គីម ថាណា ) ( បងផឹកបងដឹង ដោយ ឌីជេ កណ្តុរ) (បទថ្ងៃការថ្ងៃកម្ម ដោយលោក មោ ឌិញ) នឹងមានបទស្នាដៃបទចម្រៀងជាច្រើន ទៀតដែលនឹងចេញឆាប់ៗនៅក្នុងផលិតកម្ម Zone Prodcution។