អតិថិជនភ្លូកទឹកភ្លូកដីមកទិញនំនៅហាងនំអប្សារា ដើម្បីយកទៅសែននាថ្ងៃសែនលោកខែនាពេលដ៍ខ្លីខាងមុខនេះ

(ភ្នំពេញ)  ប្រពណៃទំនៀមទំលាប់សែននំលោកខែ ឬក៍ហៅសែនព្រះខែ គឺជាលំអានមួយរបស់ប្រជាពលរដ្ឋកូនខ្មែរ-ចិន អោយតែកៀកកិតជិតដល់ថ្ងៃ១៥កើតពេញបូរមី គេសង្កេតឃើញប្រជាជននៅរាជធានីភ្នំពេញ និងនៅតាមបណ្ដាខេត្តនានា តែងតែនាំគ្នាភ្លូកទឹកភ្លូកដី រួសរាន់មកទិញនំង៉ូវយី និង នំកោពីហាងនំអប្សារាដើម្បីយកទៅសែនព្រះខែ និងកុងម៉ាដើម្បីសុំសេចក្ដីសុខ​​ សេចក្ដីចំរើន។

បើតាមការលើកឡើងពីលោក លាង គួង ប្រធានផ្នែកលក់នៅហាងនំអប្សារា បានប្រាប់គេហទំព័រTKN Media អោយដឹងថា ពីមួយឆ្នាំទៅមួយឆ្នាំលោកសង្កេតឃើញថា ប្រជាជនកម្ពុជាកាត់ចិនអោយតែដល់រដូវសែននំព្រះខែ លោកសង្កេតឃើញថា នៅហាងនំអប្សារាគឺមានប្រជាពលរដ្ឋកម្មង់ទិញនំស្ទើរតែផលិតមិនទាន់ អ្វីដែលពិសេសនោះគឺ ពលរដ្ឋកម្ពុជាគ្រប់រូបហាក់មានអបិយជំនឿខ្លាំងទៅលើការសែននំព្រះខែមួយនេះណាស់។

លោកបន្តថានៅក្នុងរដូវកាលសែននំព្រះខែនេះដែរ គឺប្រជាពលរដ្ឋទាំងអស់ពេញនិយមទិញនំ ប្រភេទនំង៉ូវយីង និង នំកោ ដើម្បីយកទៅសែន ត្បិតប្រជាពលរដ្ឋខ្មែរកាត់ចិនទាំងនោះយល់ឃើញថាប្រភេទនំទាំងពីរប្រភេទនេះជាប្រភេទនំសាកសមសម្រាប់សែនជីដូនជីតា អាកុងអាម៉ា​ និងសែនលោកខែ ដើម្បីសុំសេចក្ដីសុខ និងសុំអោយគ្រួសារជួបតែសុភមង្គលនិងរកស៊ីទទួលទានមានបាន។

ពាក់ព័ន្ធនិងអបិយជំនឿ និងការគោរពលំអានទៅតាមដូនតានេះ ពលរដ្ឋពីររូបដែលរស់នៅក្នុងរាជាធានីភ្នំពេញ បានលើកឡើងដូចគ្នាដែរថា ជារៀងរាល់ឆ្នាំមិនថាជាប់រវល់កាងារយ៉ាងណានោះទេ ឱ្យតែដល់រដូវសែននំលោកខែ ពួកគេតែងតែមកកាន់ហាងនំអប្សារា ដើម្បីទិញនំទៅសែនលោកខែ។ ពលរដ្ឋទាំងនោះបន្តថា ប្រភេទនំដែលពួកគេតែងតែសែនជារៀងរាល់ឆ្នាំ គឺប្រភេទនំង៉ូវយីង និងនំកោ ត្បិតនំទាំងពីរប្រភេទនេះមានរស់ជាតិឆ្ងាញ់និងតម្លៃសមរម្យ។

គួរឱ្យដឹងថា អោយតែដល់ថ្ងៃ១៥កើតពេញបូរមី ខែភទបទ្រ គេតែងតែសង្កេតឃើញប្រជាពលរដ្ឋទាំងក្មេងទាំងចាស់ តែងតែមកសម្រុកទិញនំសែនព្រះខែពីហាងនំអប្សារាទៅសែនព្រេន ត្បិតហាងនំអប្សារាជាហាងនំតែមួយគត់ដែលមានបទពិសោធន៍៣៥ឆ្នាំក្នុងការផលិតនំ ជាមួយការរក្សាបាននៅវត្ថុធាតុដើមក្នុងស្រុក អនាម័យខ្ពស់ និង ផ្ដល់ជូននូវតម្លៃសមរម្យសម្រាប់អតិថិជន។ ហើយនៅហាងនំអប្សារាមានប្រភេទ៖នំង៉ូវយីង នំកោ នំរស់ជាតិស្នូលឈូក នំរស់ជាតិស្នូលសណ្ដែក នំរស់ជាតិធូរេន នំសម្រាប់អ្នកទឹកផ្អែម៕